Wednesday, November 4, 2009

အားလပ်ရက်နားခိုရာ

သံသရာနဲ့ ရင်းပြီးမှရတဲ့
တန်ဖိုးထားမှု့ တွေ
စံပယ်လို့ ပွင့်ခဲ့တယ်
အဲ့ဒီ “အားလပ်ရက်လေး”မှာ။
သူ့ ရင်ငွေ့  ကိုယ့်ရင်ငွေ့ 
ကူးလူးပျံ့ နှံ့ 
အပြန်အလှန်ခိုလှုံရာ
အဲ့ဒီ “အားလပ်ရက်လေး”မှာ။
ချိုမြိန်ရာ အာငွေ့ နွေးနွေးများ
အာလျပြင်းပြင်း
အပူအပင်ကင်းတယ်
အဲ့ဒီ “အားလပ်ရက်လေး”မှာ။
ထမင်းနဲ့ ဝက်ပေါင်
နောက် မားမားပြုပ်
အသီးအနှံတွေလည်းပါရဲ့ 
သူ့ အကြိုက် ကိုယ့်အကြိုက်
မျှခဲ့ကြတယ်
အဲ့ဒီ “အားလပ်ရက်လေး”မှာ။
ကိုယ်တို့ နှစ်ယောက်ရဲ့ 
ငြိမ်းအေးရာ
သူ့ အလို ကိုယ့်အလို( ကိုယ့်အလိုများများ)
အဆင့်ဆင့်ရဲ့ ဖြစ်သန်းမှု့ နဲ့ 
စိတ္တဇ္ဇပန်းချီ
အလင်း
အာရုံ
အထိ
အသိ
မကွေ့ မကောက်
တောက်လျှောက်သွားခဲ့တယ်
အဲ့ဒီ “အားလပ်ရက်လေး”မှာ။
အရိပ်ရဲ့ လုံခြုံမှု့ 
ခန္ဓာဂွမ်းစ
နုနုအိအိနောက်ခံနဲ့ 
ဖြူလွှလွှအသံ
ညည်းငြူမိတယ်
အဲ့ဒီ “အားလပ်ရက်လေး”မှာ။
နေ့ အ၀င်
နေ့ အထွက်
အငွေ့ ဖွဖွနဲ့ နုတ်ဆက်
သိပ်မြန်ရဲ့ 
လေအလျှင်လို
ပြီး.. နားခိုရာအိပ်တန်း
ကိုယ့်အကြောင်းသူ့ အကြောင်း
ခေတ္တ ပြန်ဝင်
အဲ့လို ဆင်ခြင်ခဲ့ရတယ်
အဲ့ဒီ “အားလပ်ရက်လေး”မှာ။
ဘယ်လိုပဲဖြစ်ဖြစ်ပေါ့
၂၇နာရီဆိုပေမယ့်
သေချာတယ်…..
လူဖြစ်ရာကာလတစ်လျှောက်
တစ်ကောက်ကောက်လိုက်တော့မယ့် အိမ်မက်
မဆုံးသောခရီးရှည်နှင်ရာ
အဲ့ဒီ “အားလပ်ရက်လေး”မှာ။
(မင်းငြိမ်)။

No comments:

Post a Comment

နားဝင်ပီယံတေးသီချင်းများ