လွမ်းတယ်
ဒီအချိန် ဟိုတုန်းကရွာလေး အိပ်ပျော်နေရောပေါ့
ငါ့ချစ်သူများရှိရာ
ငါ့ ကိုယ်လုံတီးများကို ဖြစ်ထွန်းစေရာ
ရေကန်အသင့် ကြာအသင့် လွတ်လပ်မှု့ များ
နေညိုချိန် ထမ်းခဲ့ရသော အိမ်မက်များ
ငါနဲ့ ငါ့ကို တစ်သားတည်းဖြစ်စေခဲ့တာလည်း
ငါ့ရွာလေးပေါ့။
ကောက်သစ်လည်းပေါ်ခဲ့
မျောက်ဖြစ်အောင်လည်းအော်ခဲ့
ရွာဦးကျောင်းဆိုလည်း ရွာဦးကျောင်း
စာသင်ကျောင်းဆိုလည်း စာသင်ကျောင်း
အမေးအဖြေကြမ်းခဲ့ဖူးတယ်လို့ 
ဆရာတွေပြန်ပြောပြရာ
ဒီညှို့ ညှို့ မှိုင်းမှိုင်း ရွာလေးမှာပေါ့။
အလယ်လွန် နောက်ကျလည်း
ကောက်ရိုးမွေ့ ယာတွေက
ငါ့ကိုနွေးထွေးစေခဲ့။
အဘိုးနဲ့ အဘွား
သူတို့ နဲ့ လမ်းသလားခဲ့တာလည်း
လွမ်းတယ်။
ချောင်းရိုးတစ်လျှောက်
ရွာလုပ် ကနူးလှေနဲ့ 
တွေ့ ကရာငါးကို
လိုက်မျှားခဲ့ဖူးတယ်။
၇နှစ်သားအရွယ်ကတည်းက
အိမ်ပြေးခဲ့ဖူးလို့ 
ဝရမ်းပြေးဖိုးသိန်းလို့ 
တွင်ခဲ့တာလည်း
လွမ်းတယ်။
ကမ္ဘာကြီးပူနွေးလာတယ်လို့ 
ပညာရှင်တွေပြောကြတာကြားရတော့
ရွာကန်ကြီးအောက်က
ကုက္ကိုလ်တန်းလည်း
အရင်လို
အေးမြမြဖြစ်ပါအုံးမလား စိုးရိမ်တယ်။
ဘာသာတရားနဲ့ ရှင်သန်ခဲ့သလို
လောကပါလအားလည်း သွေးသားလိုလည်ပတ်ခဲ့ရာ
ငါ့ရွာလေး
ဒီအချိန်အိပ်ပျော်နေရောပေါ့
လွမ်းတယ်။
(မင်းငြိမ်)။
No comments:
Post a Comment