အလင်းတပြန့်
မြင်မြင်သမျှစူးရှ
အားလုံးပျော်ကြတယ်...၊
မြူခိုးဝေေ၀ သစ်ပင်တွေနောက်ကွယ်
မမြင်ရတဲ့ ငါ့ဒေသရှိမှန်း
ငါသိတယ်...၊
အပြောင်းအလဲတွေ အပြောင်းအလဲတွေ
ငါ့ရှေ့မှာ
ငါ့နောက်ကွယ်မှာ
ငါ့ကိုငါတောင် မယုံရဲဘူး...၊
အဖြေမပေးနိုင်တဲ့
စကားထာကို
ငါမြိုချထားသလို...၊
ကမ္ဘာအနှံ့
ဆာလောင်နေကြ
သွေးတွေ
ချွေးတွေ
မျက်ရည်တွေ
ဘယ်တော့အာသာပြေကြမှာလဲ...၊
ငါမြေမှုန်လေးပဲ
ပြန်ဖြစ်သွားချင်တယ်...
ငယ်ဘ၀လောက်
မဖြူစင်တော့တာလဲ
သိတယ်...၊
ပြန်လွမ်းတာ မဟုတ်ပေမယ့်
ပြန်လိုချင်တယ်လေ...၊
တတိယမြို့တော်မှာ
တစ်နေရာစာ
ဖ၀ါးနှစ်ဖက်
စုံရပ်မိတယ် (အဲ့လိုအခွင့်ရတယ်)...၊
ငါ
နေရောင် လရောင် ပေါပေါလေလေနဲ့ကြီးပြင်းလာတဲ့ကောင်လေ
နှစ်ချလိုက်ရင်တော့
တစ်ဖြည်းဖြည်းတော့
နစ်ဝင်သွားမယ်
ဒါပေမယ့်
ငါ
အမှုန်အမွှားမကင်းပေမယ့်
နေရောင်
လရောင်
လတ်လတ်ဆတ်ဆတ်ကိုပဲတမ်းတတယ်...။
(မင်းငြိမ်)...။
No comments:
Post a Comment